حبرو وورق

بسم الله الرحمن الرحيم ..
السلام عليكُم ورحمة الله وبركاته ..

:: ::

بين الواقع والخيال ..
وبين العقل والجنون ..
مهما تطاولت المسافات وكثُرت الفواصل ..
تبقى الحروف همزة وصلٍ وفصل ..
وعلى بُردي الذّاكره ..
نظم القلم هذه المتواضعه ..
كُلّي أمل بإن تروُق لكُم ..
وترتقي لِلمستوى المطلوب ..

::
:: ::

حبر وورق


أنتِ وأنا

كنا هِنا .. نجهش على حف الورق

نرسم نهر , نصنع سُفن

نبحر .. نسافر ... ونغرق ..!!

نتخيل الموجه تجي , ترمي لنا طوق النجاة ..

لوحٍ طفح .. فووق سطح الماء .. والماء من فوق الورق ..!!

أقول خُذي .. وإمسكي باللوح .. حتى تسلمين

وإتركي موج البحر وإلا النهر .. لي ..

المهم أنتِ تسلمين

بصارعه ... إما صرعني .. أو صرعته

وإلا ذبحني أو ذبحته

المهم لا زم تمسكين .. والأهم إنك تسلمين ..!

حتى إلى الشاطئ يوصلك بأمان ..!!

كوني بأمان ... وإلا أنا .. للموت وربي من زماان

إن سلمت أكيد راح أرجع إليك

وللحياة أعود من لمسة يديك ..!

,, ,, ,,

جيتك وأنا مشتاق .. والشوق في قلبي رعد

والبرق من عيني شعق

ورغم الضياء والشمس .. وزهور الحقول

ما كنت أشوف إلا سنا وجهك

وأطيافك بعيني يجول ..!!

بس للأسف ...!!!

كانت أحلام الحقيقه ... والحقيقه تاهت بغبة بحر

,, ,, ,,

فوق الورق

كنّا أنا وإنتِ .. على المركب سوى

غصت في غبة أليم اليتيم

ورفرفر جناحك على متن الهوى

مدري كنتِ بحزن .. وإلا تفرحين .. !!

الله أعلم بالخفايا والقلوب ..

المهم والأهم ...

إني جهشت اليوم .... وأبكيت الورق ..!!

الله يا حلو الغرق ,, الله يا حلو الغرق ..!!

,, ,, ,,

إحساسي الليله غريب ,,

عاشق ومالي حبيب ,,

إحساسي الليله ألم ,,

حلمي تسامى وإنثلم ,,

والقلب بأسبابها أنكلم ,,

إحساسي الليله دموع ,,

صدقها يروي شموع / يطفي شموع

ونارها جمرة غضى ..

وإن خلتها تحت الرماد ماتت ..

قرب لها يصعد لظاها للفضاء ..

ورغم الشتاء تدفي بساتين الألم ..

وهي الألم فيني توارى ...... ما قضى ..!!

إحساسي الليله غرق ,,

الله يا حلو الغرق ,, الله يا حلو الغرق ..!!

,, ,, ,,

كذبه حكايتها بدت ..

تمسكنت ... تمكنت ... وكل الموانئ له صفت

وتشعّبت .. في كل شريان ووريد ..

مو غريبه .. طالما هي صدقتها ..

تحسب إنّي مادريت ..!

حتى إنعتتني بالغبي

قلت : ألعبي ...

هذا زمانك يالأميره أركبي .. متن الهوى ضاهي مراويح السحاب وتلاعبي ..

لا تاخذِك لعبة حنان .. ولا تمنِعِك صحوة جَنَان ... عيشي حياتِك
بإتزان ..

ثم أطربي وإستطربي ..!

,, ,, ,,

ماصدقت من غيّها .. راحت تمارس غيّها ..
في شمسها في فيّها ..

تفخر تماري بزِيّها .. حتى إعتلت عرش الغرور ..!

قالت : ملكته وش عَلَي ..!!؟

دامي على عرشه رسيت .. ورايتي ثبتها .. وأوقدت فوقَه مشّعلي ..

بالله قولوا وش علي .. !!

,, ,, ,,

نادمتها .. وأكرمتها ..

وعن الظمى أسقيتها .. كاسٍ مِرِي ..

رغم المرار إللي سقتني .. صنتها .. !

وفهّمتها .. إن الغبى منها وفيها محتبي ..
وتفاجأت .. هلّت مدامعها وفاجئتني ..

قالت : تدلل وش تبي ... !!

قلت : لِلَّه ... ماهو طريقي ومذهبي ..!

سامحتها ودّعتها ..

وطويت صفحات الغبيّه .. وسآلفة والغبي ..!

صدقوني أنا إنســـآن ..

ما أغالي .. ولا أدّعي إنّي مثالي ..

شاعر وإحساسي شمالي ..

إن عشقت أعشق بقوووووه ..

وإن كرهت أصدّ وأناجي خيالي ..!

لأني بصراحه قلتها وأقولها :

مابقالي قلب يعشق ويغرق ..

وفوق الورق أنزف دموعي وأحترق

حبر .. و .. ورق

الأميره من حيآتي أنتهت ,,


[img]http://www.5zna.com/download/97447c3266cb31df.gif[/img]

كل عام وانتم بخير ودائمين التميز