قصيده في البخيل

قصيدة في البخيل


يالله يا خالق الدنيا وما فيها = يا لذي كله الخلق ترجي رضاه
يارب روحي دخيلك لاتعنيها = راجي المغفرة لا تخيّب رجاه
واردّ من بالي امثالٍ مسوّيها = هيِّن الهرج مير التعب في بناه
مال البخيل الذي روحه مشقّيها = ما معه فيد من ماله الا شقاه
لاهو لروحه ولا للّي يواليها = وان شبع ليله الصبح ينقص غداه
والشيمة اللي تلمّ الناس ناسيها = وان لفا الضيف ينشد عنَه مالقاه
ماينعرف فـا ول الهجرة وتاليها = حظه الشين تقعد لواحد قفاه
والمال يحيي نفوسٍ لا حيا فيها = مثل سيل الصبخ ما يطوّل حياه
والجود كم حلّةٍ عزّز مبانيها = وان فنِي صاحب الجود ذكره وراه
كثير وصف الرجال وما اقدر احصيها = قسََّم الله وكلٍّ عطا ما كفاه
قاسيت الايام مثلي من يقاسيها = يوم مُرّن يجينا ويومٍ حلاه
ولقيت امرَّ الليالي يوم الاويها = العُسُر للرياجيل قيد الحياه
كم علّةٍ جاتـَني وامسيت اداريها = مستعين (ن) بربي على كل جاه
وكم حاجةٍ قستها وازريت انا فيها = والذي فيه انا عند غيري كماه
روحي تحب الشرف والوقت يثنيها = لين تمشي على لين والا قساه
امشي على جمرة النيران واطفيها= وابعد النفس عن عيرة اللي خساه
لو كان تطحنّيَ الايام ما احنيها = راسي اللي تناطح سماك السماه
واطلب الله وانا في سجدتي مخفيها = داعي الله ولا خاب من هو دعاه
وازكى صلاتي على المختار واثنيها = الذي كلنا نتبعَه في هداه

[img]http://www.s3udy.net/pic/thankyou002_files/10.gif[/img]


[img]http://www.s3udy.net/pic/thankyou002_files/11.gif[/img]


[img]http://www.s3udy.net/pic/thankyou002_files/12.gif[/img]

[img]http://www.s3udy.net/pic/thankyou002_files/13.gif[/img]

[color:35f7=red][color:35f7=#000000][img]http://www.s3udy.net/pic/thankyou002_files/14.gif[/img][/color] [/color]
_________________