يا ريت كل ام تتوقف هنا لحظه

[color:0dae=red][size=18]السلام عليكم ورحمة الله وبركاته
صبـــاح القرمز معطر بعبق الايمان..
ليس من عادتي ان انقل موضوع حوار ونقاش لكن هذا الموضوع عجبني للغاية واثر فيني نقلته اليكم مع بعض الاضفات واتمنى ينال استحسان الجميع..


إلى كل أم تملك قلبا كبير ولديها أطفال أو طفل واحد..
أوجه لها هذه الكلمات التي أتمنى أن تصل للقلب قبل الاذن
أعلم علم اليقين أن معظم الامهات تعاني وبشده من طفلها أو أطفالها..!



ربما أنها تشتكي من عدة أمور ومنها:

أولا:تقول طفلي كثير الحركه ولايقضب الارض يركض ويلعب وينط في كل مكان..
مايخلي شي مايحوسه ملقوف (يلف قبل العاير) ثيابه وسخه ولايهتم بالنظافه..
ولايدري عنه لازم أقوله غسل يديك ونظف أسنانك ,,,,,,,,,غير ملابسك..
أحتارت معه ولاتدري وش تسوي فيه أن أقوله الحين وش تسوي لكن أخركلامي



ثانيا: وحده ثانيه تقول ولدي عنيد ولايسمع الكلام دايم هاج أثمه يصيح على

أي شي وكل شي احتارت معه كل شي يطلبه وكل شي يبيه وإذا ماتلبى

له طلبه خذ من الصراخ والصياح اللي يخلي الواحد يطلع حرته فيه ويقوم ويضربه

لين يبرد كبده!!!!!!!!!!!!!!



ثالثا: أخرى تقول ولدي أناني ولايحب إلا نفسه يأخذ الحاجه مني ويأكلها يرفض

يعطي أي أحد حتى إخوانه لازم يعطى قطعه كبيره إذا صار فيه توزيع كيك

أو حلوى





ويكثر اللي يشتكون من الاطفال ومشاكلهم القصه ماهي هذا

بصراحه أنا من مده قصيره رحت إلى

مستشفى الملك فهد التخصصي ببريده وزرت الاطفال بقسم الاورام الخبيثه

والله يا أخواتي ويا إخوني إني شبعت من الصياح أطفال ينفطر عليهم القلب

أعمارهم مختلفه فيهم الصغير وفيهم الكبير فيهم بنات وفيهم أولاد شعرهم مافيه

شي يعني صلعان لكن روحو وشوفو اللي شفت بصراحه ودك تأخذين من

صحتك وتعطينهم فيه أحد مامعه أحد يرافق معه

يعني أمه وأهله والحياة عليه!!!!!!!!

بس تشوف إعيونهم تفهم كل شي في قلوبهم التعب الشوق للبيت ولغرفته

مشتاق للعبته ودراجته مشتاق لكل شي

مشتاق لآخوانه يجلس معهم يضحك معهمأويزعل منهم المهم إنه مع أمه وإخوانه

يتمنى

يروح للمدرسه يجلس على الكرسي يسمع المعلم أو المعلمه مثله مثل أي طفل

عيونهم00 تقول أشياء كثيره والله ثم والله أنك تستيطع أن تؤلف كتاب كامل من

خلال نظرات العيون التي لاتحكي سوى الهم والحزن الدفين




سألت أحد الاطفال وش ودك أجيب لك ؟؟؟؟تدرون وش رد علي قال:

أبي أطفال غير اللي معي بالمستشفى

قلت له: هذا عندك أصدقاءك وش زينهم

قال:بس أنا مليت ودي أشوف ناس ثانين ودي ألعب مع أحد ثاني غيرهم

حاولت أخفي دمعتي وصديت عنه الله يشفيك

تذكرت أولادي إذا قالو:يمه ملينا ودنا نروح للملاهي

فرق شاسع بين الطلبين جلست معهم وحاولت أفهم منهم وش أكثر

شي يعجبهم أكثرهم قال نحب الايسكريم

يمكن علشانه يبرد الحزن العميق في قلوبهم

المهم شكلي طولت عليكم
نجي لآول كلامي واللي هو كثير من الامهات تشتكي من أطفاله والله العظيم
يا أخوان لو كل أم زارت المستشفى لهانت عليها المشاكل وخاصه مشاكل الابناء
أختي الغاليه حاولي أن تحضني طفلك وتربيه نعم التربيه حاولي تتحملين..
التعب من أجلهم أدري أحيان تيأس الام لكن زي ماقلت دايم تذكري
كلامي وتذكري هؤلاء الاطفال وأنتي تصبرين بإذن الله تعالى
دائما حطي في بالك إن الامراض تأتي بدون إنذار وخاصة هذا المرض الخبيث..
خصوصا إنه منتشر في بلادنا بنسب عاليه للآسف الشديد
حمانا الله وإيكم منه..
إنتهى كلامي وأتمنى من الله العزيز القدير أن يكفيناشرالامراض
وأن يلبس أبنائي وأبنائكم الصحه والعافيه..
دعواتي للجميع بدوام السلامه في الابدان والامن في الاوطان







يمه وينك !؟
آنا بنتك .. " ضي عينك " !
شوفي وش قرب المسافة بين أهدابي وبينك !؟
بس ّ يمه أنتي وينك !؟
يمه قومي !؟
توني أصحى على الدنيا .. دخيلك لاتنومي !!
من يرتب لي الدفاتر !؟
من يبدّلي .. اهدومي !!؟
يمه بدري .. والله بدري ! آتهجّاها اهمومي !
يمه مات !
كل شي ٍ كنت أحسه " حي " في هذي الحياة !
" الأمل في رجعة الأحباب "
" صوت الأمنيات " !
وكل شي ٍ كنت أحبه ..
مر ..
ودعني ..
وفات !

طفلتك ماعاشت " إحساس" الطفولة !
............. فاقده في هالزمان ... إحساسها !
شافت إن الصبح ..... ماتقدر تطوله !
............. وازفرت .. ونّه ! ورى أنفاسها !
واحضنت هالليل والورد ..... وذبوله !
............ لين مانامت ...... على كراسها !
فيه شي ٍ لو قدرت إني ....... أقوله !
............ كان شفت الناس ... حبّت ناسها !
يمه ضميني بـنام !
خايفة أبقى لحالي عايشه وسط الظلام !
عام مُرّ ..
ومر ّ عام ..
وآنا كل ليلة أتمتم : بكرى تذبح لي حمام !!
يمه وينك !؟
ماتت اللهفة بيدّي .. تنتظر لهفة يدينك !
يمه خوذيني معك ..
بس اشوفك .. واسمعك !
ودي لو أقتل بصدري هالسؤال :
يمه وينك !![/size][/color]

يا جماعه خلوووووووووووووووا بالكم من امهاتكم
وحطوهم فى عنيكم دوم نعمة كبيرة من عند الله سبحانه وتعالى
سلااااااااااااااااااام